Nangako ang Korte Suprema na kaagad nilang isasapubliko sa Lunes ang buong kopya ng desisyon nito kaugnay sa ibinasura nilang petisyon ni Senador Ronald “Bato” Dela Rosa na pigilan ang pag-aresto sa kanya.
Magugunitang hiniling ni Dela Rosa sa kanyang “Very Urgent Petition” na maglabas ang Kataas-taasang Hukuman ng temporary restraining order para hindi maisilbi ang warrant of arrest laban sa kanya na inilabas ng International Criminal Court.
Ngunit sa botong 9 na tutol, 5 pabor, at 1 abstain, hindi pinagbigyan ng Supreme Court ang kahilingan ng senador.
Nabatid na may kaugnayan si “Bato” sa kasong “crimes against humanity” ni dating Pangulong Rodrigo Duterte tungkol sa madugong “War on Drugs” nito, at inisyuhan na rin siya ng arrest warrant ng ICC. | via Jun Samson (Patrol 24)
