Nanindigan si suspended acting Senate Sergeant-at-Arms Mao Aplasca na inatake ang Senado noong Mayo 13.
Ito’y matapos itanggi ng Department of the Interior and Local Government na sinalakay ang Senado at sa halip ay nagpresenta ng CCTV footages ng insidente.
Ayon kay Aplasca, “spliced” o putol-putol umano ang mga inilabas na footage upang palabasing walang naganap na pag-atake.
Samantala, pinabulaanan ni Interior Secretary Jonvic Remulla na edited ang CCTV footage at iginiit na direkta itong kinuha mula sa CCTV servers ng Senado at may kasamang timestamps o eksaktong oras ng recording.
Binigyang-diin din ng kalihim na original ang video at walang ginawang manipulasyon sa mga kuha ng insidente. —sa panulat ni Jordan Gutierrez
