Nanindigan si Senate president Tito Sotto the Third na isusulong pa rin ng Senado ang panukalang independent people’s commission na mag-iimbestiga sa mga katiwalian sa mga proyekto ng pamahalaan.
Ito’y kahit malamig ang malakanyang sa nasabing panukalang batas kung saan sinabi ng palasyo na mado-doble lamang nito ang tungkulin ng Ombudsman at Department of Justice.
Ayon kay Senate president Sotto, maaari anya nilang talakayin at ipaliwanag sa malakanyang ang hangarin at nilalaman ng Senate Bill 1512 kung saan siya ang pangunahing may akda.
Iginiit ng lider ng Senado na ang panukalang I-P-C ay mas may ngipin kaysa sa independent commission for infrastructure kung saan iimbestigahan nito ang systematic corruption sa pondong nakalaan para sa mga proyekto ng pamahalaan. — sa panulat ni Jordan Gutierrez
