Isasailalim sa full alert status ang National Capital Region Police Office simula Nobyembre a-bente otso para sa gaganaping Trillion Peso March sa Nobyembre a-trenta.
Ayon kay NCRPO spokesperson Major Hazel Asilo, kasalukuyan silang naka-heightened alert, kasunod ng dalawang araw na kilos-protestang isinagawa ng Iglesia Ni Cristo sa Quirino Grandstand.
Dagdag pa ni Major Asilo, igu-grupo ang mga pulis at itatalaga sa civil disturbance management, negotiation, monitoring, at arrest.
Magsasagawa rin aniya sila ng live monitoring gamit ang mga CCTV upang agarang makaresponde sakali mang biglang dumami ang mga tao.
Kinumpirma naman ni Major Asilo na natanggap na nila ang permit ng kilos-protesta sa EDSA People Power Monument.
Samantala, ipinagbabawal ng NCRPO ang pagsasagawa ng pagkilos sa Mendiola Street sa Maynila, o sa paligid ng Malacañang.
