Naniniwala si Lanao del Sur 1st District Rep. Zia Alonto Adiong na nasobrahan sa kakanood ng Netflix si dating Ako Bicol Partylist Rep. Elizaldy Co.
Kasunod ito ng inilabas niyang rebelasyon laban kina Pangulong Ferdinand Marcos Jr. at dating House Speaker Martin Romualdez.
Para kay Adiong, ginagawang plataporma ng drama ni Co ang kaniyang mga rebelasyon na hindi verified facts at hindi nakabatay sa mga ebidensya.
Ayon kay Adiong, ang mga akusasyon ni Co ay maiihahalintulad sa mga movie na puro lamang kadramahan.
Iginiit ni Adiong na kaya nilang patunayan na sa tatlong taong pamumuno ni Romualdez sa House of Representatives, wala umanong naganap na karahasan.
Aniya, hindi naging bayolente si Romualdez sa kaniyang naging sistema dahilan kaya siya pa rin ang binoto noong 20th Congress bago ito magbitiw bilang lider ng Kamara.
