Agad sisibakin ni Senator Raffy Tulfo sakaling mayroon siyang empleyado o staff na magpositibo sa paggamit ng iligal na droga.
Ayon kay Sen. Tulfo, hindi lang suspensyon kundi agarang pagsibak ang kanyang gagawin sakaling mayroon siyang staff na lilitaw na gumagamit ng ipinagbabawal na gamot.
Samantala, aminado naman ang senador na ikinagulat niya ang ulat na may gumamit ng marijuana sa Senado.
Ngayong araw, August 19, ay nakatakdang magpa-drug test si Sen. Tulfo at ang kanyang mga staff.
Gayunman, kung may senador naman aniya na mag-positibo sa illegal drugs, sinabi ni Sen. Tulfo na bahala na ang Ethics Committee na umaksyon dito.
Iginiit din ng senador na hindi lamang dapat sa mga empleyado ng Senado isinasagawa ang drug testing kundi dapat sa lahat ng kawani ng gobyerno.
