Patay na pero hindi pa inililibing ang articles of impeachment laban kay Vice President Sara Duterte.
Ito ang pananaw ni Senador Imee Marcos matapos nilang i-archive ang articles of impeachment laban kay Vice President Sara Duterte.
Ayon kay Senador Marcos, “dead-file” na kung maituturing ang impeachment case pero hindi pa ito tuluyang inililibing.
Sinabi ng senador na ganito rin ang paniniwala ni dating Supreme Court Associate Justice Adolfo Azcuna, na nagsasabing maaari pa ring buhayin ang impeachment case na nasa archive kung babaligtarin ng Korte Suprema ang naunang ruling nito na nagdeklara ng ‘unconstitutional’ sa inihain impeachment case ng Kamara.
