Nasa kamay ng mga rebeldeng Houthi ang siyam na Pilipinong tripulante ng M-V Eternity C, at nasa maayos silang kalagayan.
Ito ang kinumpirma ng Department of of Migrant Workers matapos salakayin ng mga nasabing rebelde ang barko habang naglalayag ito sa Red Sea.
Ayon kay Migrant Workers Secretary Hans Leo Cacdac, ang siyam na bihag ay kabilang sa dalawampu’t isang Pilipinong crew ng barko.
Ngunit, sinabi rin ni Sec. Cacdac na kailangan pang patunayan ang sinasabing tatlong nasawi sa insidente.
Kabilang din sa bilang ang walong tripulanteng nakauwi na sa bansa, habang may isa pang naitalang nawawala.
