Itinanggi ng House Prosecution Panel ang pahayag ni Vice President Sara Duterte na ang inihaing impeachment complaint laban sa kanya ay dahil sa pulitika.
Tugon ito ni House Prosecution Panel Spokesman, Atty. Antonio “Audie” Bucoy sa sinabi ni VP Duterte sa Russian State Media na ang kanyang impeachment ay politically motivated.
Ang kaso anyang isinampa laban sa pangalawang pangulo ay resulta ng pormal na imbestigasyon at suportado ng beripikadong mga natuklasan at matitibay na dokumento, malayo sa uri ng walang-basehang pulitikal na atake na inilarawan ni Duterte.
Nagtataka si Bucoy kung paanong nasabi ni VP Sara na pulitika ang motibo gayong hindi naman kathang-isip ang mga reklamo laban sa kanya bukod pa sa may mga ebidensyang hawak.
Kabilang sa seryosong alegasyon ang umano’y maling paggamit ni duterte ng 612.5 million peso confidential at intelligence funds at 125 billion pesos na ginastos ng Office of the Vice President sa loob lamang ng labing-isang araw noong December 2022.
Gayunman, nilinaw ni bucoy na ang pormal ni Duterte na tugon ay naglalaman lamang ng pangkalahatang pagtanggi at hindi direktang tumutugon sa mga paratang.
