Humina ang bentahan ng mga isdang nanggagaling sa Taal Lake tulad ng tawilis, kasunod ng alegasyong itinapon ang bangkay ng mga nawawalang sabungero na sa naturang lawa.
Ayon sa mga nagtitinda ng isda, dating mabilis maubos ang kanilang binebenta ngunit matapos ang pagsisiwalat ng isang akusado tungkol sa missing sabungeros, inaabot na ng hapon ay hindi pa rin nauubos ang mga panindang isda na galing sa Taal Lake.
Halos isang linggo na rin anyang mahina ang kanilang benta dahil sa takot ng mga mamimili na baka nakain na ng mga isda ang mga itinapong magsasabong sa lawa.
Pagtitiyak naman ng mga tindera, malabong kumain ng tao ang mga ibinebentang isda dahil alaga anya ang mga ito at ligtas namang kainin. —sa panulat ni Mark Terrence Molave
