Tiniyak ni Vice President Sara Duterte na patuloy pa rin ang operasyon ng kanyang tanggapan, sa kabila ng pananatili nito sa The Netherlands upang asikasuhin ang mga bagay na may kinalaman sa pagkaka-detine ng kanyang ama na si dating Pangulong Rodrigo Duterte sa International Criminal Court.
Sa online press conference ni VP Sara, sinabi nito na patuloy pa rin ang kanyang pakikipag-ugnayan sa mga kawani ng Office of the Vice President upang maipagpatuloy ang operasyon ng OVP.
Sinagot din ni VP Sara ang pakiusap ng malakanyang na umuwi na ito sa bansa upang mapagserbisyuhan ang mga Pilipino.—sa panulat ni John Riz Calata
