Naniniwala si Vice President Sara Duterte na may pananagutan ang Armed Forces of the Philippines sa sinasabing iligal na pagkaka-aresto ng kanyang ama na si dating Pangulong Rodrigo Duterte.
Sa press briefing ng Pangalawang Pangulo, sinabi ni VP Sara na ito ay dahil bigong protektahan ng militar ang dating pangulo sa isinilbing arrest warrant ng International Criminal Court at Interpol.
Binigyang-diin ni VP Sara na kabilang sa mandato ng AFP Ang protektahan ang mga nagdaang presidente ng bansa.
Tumanggi naman magbigay ng payo si VP Sara sa militar kung ano ang maitutulong nito para makabalik ng bansa ang nakatatandang Duterte.
Samantala, sinabi rin ng pangalawang pangulo na kailangang makauwi ng bansa ang dating pangulo dahil pagsisilbihan pa aniya nito ang mga taga-Davao. —sa panulat ni John Riz Calata
