Isang lalaki ang naaksidente at walang awang nagulungan ng pickup truck sa Bacoor, Cavite noong bisperas ng kapaskuhan.
Ang buong kwento, alamin.
Sa isang maulan na bisperas na pasko, na-hulicam sa Daang Hari sa Cavite ang ginawang pagsagasa ng isang pickup truck sa isang lalaking nakadapa sa kalsada habang makikita naman na nakatumba ang motor nito sa hindi kalayuan.
Sa ibang bahagi ng video, makikita na mabilis at pagewang-gewang ang andar ng sasakyan bago nagulungan ang rider.
Gayunpaman, nakaligtas naman ang rider at nadala pa sa ospital ang kaniyang sarili sa kabila ng iniindang sakit ng katawan at naghain din ng reklamo sa mga otoridad.
Sa pamamagitan nga ng dashcam at ng LTO Bacoor, natunton ng pulisya ang owner sa Molino 4 at doon nakita sa unahang bahagi nito ang isang sensyales ng pagkakabangga, ngunit wala roon ang driver.
Samantala, mag-iisue naman ng show cause order ang lto para ipatawag at pagpaliwanagin ang driver ng nasabing sasakyan, at inihahanda na ng Bacoor City Police na patawan ang suspek ng kasong frustrated murder at mayroon ding posibilidad na ang lisensya nito ay makansela sa oras na mapatunayan ang pagkakasala.
Ikaw, ano ang gagawin mo kung ikaw ang nakasaksi sa ganitong klase ng insidente?
