Umamin si dating pangulong Rodrigo Duterte na personal niyang pinatay ang anim hanggang pitong tao na inilarawan niya bilang kriminal nang siya ay nanungkulan bilang alkalde ng Davao City.
Ito ay matapos tanungin ni Gabriela Party-List Rep. Arlene Brosas ang dating pangulo sa kanyang pagharap sa ika-11 pagdinig ng Quad Committee nng kamara.
Ayon sa dating pangulo, minsan niya ring ipinagdasal na makasalubong ang mga hold-upper sa Davao para patayin dahil wala siyang pasensya para sa mga kriminal. - sa panulat ni Laica Cuevas
