Tadtad ng bala ng baril ang isang traffic enforcer matapos pagbabarilin ng hindi pa kilalang mga salarin habang abala sa pagmamando ng trapiko sa kalsada ng Brgy. Talaba 4 sa Bacoor City, Cavite
Hindi na umabot nang buhay sa ospital ang biktima na kinilalang si Edgar Domingo
Ayon sa awtoridad, naka-duty ang biktima sa kalsada at nag-a-assist ng traffic nang dumating ang isang motorsiklo sakay ang dalawang suspek at sunud-sunod itong pinagbabaril.
Kapwa naka-helmet umano ang dalawang suspek at itim na jacket.
Inaalam pa ng mga pulis ang motibo sa pamamaslang na maaaring may kinalaman umano sa trabaho ng biktima.
