2 bus ng Metropolitan Manila Development Authority (MMDA) ang naharang sa ikinasang operasyon ng DOTr-SAICT o Department Of Transportation-Special Action and Intelligence Committee for transportation kahapon dahil sa iligal na pagdaan sa EDSA Busway.
Nabatid na sakay ng mga naturang bus ang ilang tauhan ng MMDA na papunta sa kanilang opisina.
Ayon sa isang opisyal ng SAICT, nagpakita naman ang mga driver ng mga bus ng February 20 MMDA memo sa mga enforcer na nagsasaad na pinapayagang pumasok sa EDSA bus carousel lane ang mga shuttle bus ng MMDA.
Gayunman, iginiit ng opisyal na hindi kinikilala ng SAICT ang ‘in-house memo’ sa paggamit ng busway.
Samantala, wala pang inilalabas na pahayag ang panig ng MMDA hinggil sa nasabing isyu. – sa panunulat ni Maianne Dae Palma
