Magtutulungan ang Metropolitan Waterworks and Sewerage System (MWSS) at ang kanilang Singaporean counterpart upang tugunan ang pagbaba ng kalidad ng tubig sa Laguna Lake.
Nabatid na maaari itong magdulot ng kakulangan sa suplay ng malinis na tubig sa National Capital Region (NCR).
Ayon kay MWSS Deputy Administrator Jose Dorado Jr. Nagkakaroon ng mga problema ang southern part ng NCR sa kanilang suplay ng tubig.
Sinabi naman ni MWSS Division Manager Patrick Dizon na bumabara sa water treatment facilities ang dumaraming presensiya ng lumot sa Laguna Lake na nagsusuplay sa mga lungsod ng Muntinlupa, Las Piñas, Parañaque, at Taguig.
Sinabi ni Dizon na magsagawa ng assessment sa planta ng Maynilad ang MWSS at public utilities board ng Singapore.
Nagtatayo na rin ang MWSS ng mga karagdagang water treatment plants sa Laguna Lake upang magkaroon ng iba pang pagkukunan ng portable water.
