Libu-libong deboto ang dumagsa sa Quirino Grandstand sa Maynila bilang pagbigay-pugay sa paggunita ng Pista ng Itim na Poong Nazareno ngayong araw.
Sa pahayag ng Manila Police District (MPD), halos 100,000 deboto ang lumahok sa “Walk of Faith” bitbit ang mga kandila, rosario, at mga imahen ng Black Nazarene.
Nabatid na naging maayos ang pila ng mga mananampalataya na nagsimula pa ala-una ng madaling araw kahapon, kung saan, may ilang deboto ang naglatag ng kanilang sapin o mga banig sa paligid ng Quiapo Church para doon na mismo matulog.
Kasabay nito, patuloy na nagpapaalala sa publiko ang mga otoridad sa pagsunod sa health and safety protocols partikular na ang tamang pagsuot ng facemask at pagsunod sa social distancing.
Ayon sa MPD, gitna pagdiriwang ng “Walk of Faith,” ramdam ang pagkasabik ng publiko matapos ang mahigit dalawang taong paghihigpit ng restriksiyon ng gobyerno bilang pag-iingat laban sa covid-19.
Ikinatuwa naman ng mga otoridad ang maayos na paggunita ng Pista ng Itim na Nazareno dahil pagkatapos ng naturang aktibidad, ang ilan sa mga deboto ay agad na nagsi-uwian.