Mariing pinalagan ni Education Secretary Leonor Briones ang ulat na mahigit 70,000 estudyante sa elementarya sa Bicol ang hindi marunong magbasa ng ingles at filipino.
Ayon kay Briones, maituturing na exaggerated ang naturang ulat at malaking insulto sa mga Bicolanos.
Paliwanag ng kalihim, magkaiba ang hindi marunong magbasa sa illiterate dahil may mga kategorya pa ito.
Iba rin aniya ang hindi marunong sa hindi lubos na naiintindihan ang kanilang binabasa.
Kumikilos na rin aniya ang district office ng DepEd sa Bicol para mahasa pa ang mga estudyante sa kanilang pagbabasa.
