Handa na ang Manila Police District para sa pagdiriwang ng Pista ng Itim na Nazareno sa Lunes, Enero 9.
Ayon kay MPD Director, Brig. Gen. Andre Dizon, magsasagawa sila ng send-off ceremony bukas bilang bahagi ng preparasyon.
Aabot anya sa 30,000 tauhan ang idedeploy kabilang ang 2,000 support personnel mula sa National Capital Region Police Office (NCRPO).
Tiniyak naman ni Dizon ang kaligtasan ng mga dadalo at kapayapaan ng selebrasyon ng kapistahan sa loob at paligid ng Quiapo Church maging sa Quirino Grandstand.
Samantala, aabot naman sa 700 MMDA personnel ang idedeploy sa mismong araw ng pista sa Lunes. –sa panulat ni Jenn Patrolla
