Tatlong bata ang sugatan matapos masabugan ng kwitis sa Iriga City, Camarines Sur.
Ayon sa Iriga City Health Office, Napulot lamang umano ng mga bata ang kwitis at tsaka ito sinindihan. Hindi umano pumutok ang kwitis nang unang sindihan ngunit nang baliktarin ay saka ito sumabog.
Nagtamo ng sugat sa mata at bahagyang pagkakasunog ng buhok ang isang pitong taong gulang na biktima habang ang siyam na taong gulang na bata ay nagtamo naman ng sugat sa mukha at braso.
Sa datos ng Department of Health (DOH), 188 na ang naitalang kaso ng fire-related injuries ngayong taon kabilang ang 45 dulot ng kwitis.
Nagpaalala naman ang lokal na pamahalaan ng Iriga na gumamit na lamang ng mga pang-paingay tulad ng kaldero, busina ng sasakyan o motor, tambol at toroto sa halip na magpaputok upang maiwasan ang sakuna. - sa panulat ni Hannah Oledan
