Sinimulan na ng panel of prosecutors ng Department of Justice o DOJ ang preliminary investigation sa kasong murder at theft laban sa ilang miyembro ng MILF, BIFF, at ilang private armed groups.
Ito’y may kaugnayan pa rin sa malagim na pagmasaker sa 44 na miyembro ng PNP-Special Action Force sa Mamasapano, Maguindanao.
Nakiusap naman ang kampo ng mga complainant na huwag na lang munang hayaan ang media na mag-cover, subalit hindi sila pinagbigyan.
Sa halip, hiniling na lang ng panel sa mga mamamahayag na huwag ilabas sa diyaryo o telebisyon ang kanilang mukha para na rin sa kanilang seguridad.
By Jelbert Perdez | Bert Mozo (Patrol 3)
