Sumampa na sa 600 katao ang inilikas sa Bicol Region dahil sa pagbaha bunsod ng malakas na pag-ulan at hanging dala ng Northeast Monsoon o amihan.
Sa datos ng Office Civil Defense Bicol, sinabi ni Spokesperson Gremil Alexis Naz na 21 pamilya o 41 katao ang inilikas sa Albay, 2 pamilya naman o 9 na katao sa Vinzons Town, Camarines Norte at 167 pamilya o mahigit 500 katao sa mga bayan ng Camarines Sur.
Umabot naman sa 141 ang naitalang pagbaha sa 25 bayan at lungsod sa Albay, Camarines Norte, at Camarines Sur mula Disyembre 18 kung saan naapektuhan ang ilang mga kalsada, tulay at spillway.
Bukod dito, naiulat din ang landslides sa san andres at Viga Town, Catanduanes.
Nabatid na isinailalim ng pagasa sa orange heavy rainfall ang mga naturang lugar.