Binalaan ni Rep. Jericho Nograles ng Puwersa ng Bayaning Atleta (PBA) party-list ang National Bureau of Investigation (NBI) na mag-ingat sa pagkuha ng serbisyo ng remittance at money transfer company na PisoPay dahil sa kuwestyonable nitong “financial ability.”
Ayon kay Nograles, dapat maging mapanuri ang NBI sa pagpili ng kanilang financial technology provider at alaming mabuti ang track record ng bidder para sa digital payment solutions sa NBI clearance.
Dagdag pa ni Nograles, nakatanggap umano sila ng ulat na front runner ang PisoPay sa auction para sa FinTech Requirements ng NBI.
Ikinaalarma aniya nila ito dahil maaaring makipag transaksyon ang pisopay sa pamahalaan sa kabila ng pagkaka-ugnay nito sa iba pang line agency.
Mababatid na noong isang taon ay pinasinayaan ni Nograles ang congressional inquiry hinggil sa iregular na kontrata sa pagitan ng Bureau of Quarantine (BOQ) at PisoPay. —sa panulat ni Hannah Oledan
