Plano ng Department of Migrant Workers (DMW) na maglagay ng mas maraming labor attaché sa Europa, sa susunod na taon.
Ito’y upang tugunan ang pangangailangan ng Overseas Filipinos Workers (OFWs) sa nabanggit na rehiyon.
Ayon kay DMW Secretary Susan ‘Toots’ Ople, sa susunod na taon may budget na ang ahensya para sa dagdag na mga tanggapan ng labor attaches.
Sa ngayon anya ay pinag-aaralan pa nila kung saan pwedeng magdagdag ng opisina.
Kasalukuyang nasa Europa si Ople kasama ni Pangulong Bongbong Marcos Jr. na dumadalo sa Association of Southeast Asian Nations-European Union Commemorative Summit sa Belgium. – sa panulat ni Jenn Patrolla
