Dead-on-the-spot ang dalawang pulis matapos tambangan ng mga lalaking magka-angkas sa motorsiklo sa South Daang Bakal Road, Brgy. Dau, Mabalacat City, Pampanga.
Kinilala ang mga biktima na sina PSMS Sofronio Capitle Jr., at PSSG Dominador Gacusan Jr., pawang mga miyembro ng Station Drug Enforcement Unit o SDEU ng Mabalacat PNP.
Batay sa inisyal na imbestigasyon, lulan ng motorsiklo sina Capitle at Gacusan nang tambangan ng mga salarin na nakasuot ng bonnet at long sleeves.
Kagagaling lang umano sa isang anti-illegal drugs operation ang mga pulis nang sundan ng riding-in-tandem at walang awang pinagbabaril.
Patuloy ang imbestigasyon ng mga awtoridad sa naturang krimen.
