Ginugunita ngayong araw, November 30, 2022, ang ika-159 na kaarawan ni Gat Andres Bonifacio.
Asahan ang matinding daloy ng trapiko sa mga pangunahing kalsada sa National Capital Region (NCR) ngayong regular holiday kung saan, inaasahang dadagsa ang mga grupong magsasagawa ng kilos protesta.
Ayon kay DND Officer In Charge Senior Undersecretary Jose Faustino Jr., ang naturang selebrasyon ay nagpapakita ng magandang ehemplo, dedikasyon at pag-sasakripisyo para ipaglaban ang kalayaan ng bansa laban sa mga mananakop.
Sinabi ni Faustino na sariwa pa rin sa kaisipan ng mga Pilipino ang ipinakitang tapang ni Bonifacio na binansagang “Ama ng Katipunan.”
Dahil dito, nanawagan sa taumbayan ang opisyal na magkaroon ng pagkakaisa at mahalin ang Pilipinas gaya ng pagmamahal ni Bonifacio sa sariling bansa.