Dumalo ang ilang world leaders sa ginanap na emergency meeting sa G20 summit sa Bali, Indonesia.
Ito’y kasunod ng pagtama ng rocket ng Russia sa Przewodow sa Eastern Poland na malapit sa border ng Ukraine na ikinasawi ng dalawang katao.
Bago mangyari ito, tuloy-tuloy ang pagpapakawala ng russia ng missile sa iba’t ibang lugar sa Ukraine.
Isa pinaka-naapektuhang siyudad sa nasabing bansa ay ang Kyiv.
Nanguna naman sa nasabing pulong ay si US President Joe Biden na dinaluhan ng pinuno ng Germany, Canada, Netherlands, Japan, Spain, Italy, France at United Kingdom.
Samantala, tiniyak naman ng ilang world leaders na magpapaabot sila ng tulong sa Poland.
Agad namang itinaas ang alerto sa lahat ng military unit sa Poland habang nagpalabas na rin sila ng summon upang pagpaliwanagin ang Russia sa pagsabog.