Aprubado na sa kamara ang House Bill 3917 o panukalang ideklarang economic sabotage ang tobacco smuggling.
Ang nasabing panukala ay ini-akda nina Ilocos Rep. Ferdinand ‘Sandro’ Marcos at Bayaning Atleta Partylist Rep. Margarita Nograles.
Aamyendahan ng bill ang Republic Act 10845 o Anti-Agricultural Smuggling Act of 2016 kung saan habang-buhay na pagkakakulong ang parusa sa smuggling.
Ayon kay Nograles, bilyun-bilyong piso ang nawawala sa gobyerno dahil sa pagpupuslit ng tobacco products at kung magpapatuloy ay malulugi ang industriya at maraming maapektuhan.
Batay sa datos ng gobyerno, nasa 10% ibinibentang sigarilyo sa bansa ay smuggled. —sa panulat ni Jenn Patrolla
