Bubuksan na sa publiko ang Himlayang Pilipino Memorial Park ngayong darating na Undas.
Batay sa inilabas na iskedyul, sa October 28, lahat ng interment sa nasabing sementeryo ay hanggang alas-12 lamang ng tanghali.
Habang simula sa October 29, 30 at 31, bubuksan naman sa publiko ang memorial park mula alas-7 ng umaga hanggang alas-5 ng hapon at hindi na papayagan ang paglibing.
Bubuksan naman ang naturang sementeryo ng 24-oras pagsapit ng November 1, 2 at 3.
Pagsapit ng tanghali ng November 3 ay papayagan na ang interment sa nasabing memorial park.
Samantala, muling nagpaalala ang pamunuan ng memorial park na kailangan sumunod ang publiko sa mga anunsyo at guidelines na itinakda ng Inter-Agency Task Force for the Management of Emerging Infectious Diseases at Local Government Units kaugnay sa Undas 2022.
