Itinalaga si Riza Marie Paches bilang Officer-In-Charge (OIC) ng Land Transportation Franchising and Regulatory Board (LTFRB).
Ito’y kasunod ng pagbibitiw ni Atty. Cheloy Velicaria-Garafil bilang LTFRB Chairperson matapos tanggapin ang alok na maging Undersecretary at OIC ng Office of the Press Secretary
Kabilang sa magiging tungkulin ni Engr. Paches ay ang pagpo-proseso sa mga dokumento patungkol sa operasyon sa naturang tanggapan.
Maliban dito, kasama din ang pag-aksyon sa mga transaksiyon sa ahensiya na may kinalaman sa mga orders at issuances.
Samantala, si Paches ay isang licensed engineer at environmental planner na umupo bilang board member ng LTFRB nitong Hulyo 2022.
