Nangangailangan ang Pilipinas ng 10,000 medical personnels sa gitna ng laban ng bansa kontra COVID-19 pandemic.
Ito ay inihayag ni Marikina representative Stella Quimbo habang isinusulong ang 300 bilyong pisong budget para sa Department of Health (DOH) sa taong 2023.
Paliwanag ni Quimbo, kakailanganin ang malaking budget para sa pagpapatayo ng bagong ospital at opisina.
Inamin naman ng kongresista na hirap ang recruitment na punan ang mahigit 2,000 bakanteng posisyon bunsod ng mababang pasahod.
Sa ngayon, pagtitiyak ng DOH na gumagawa na sila ng hakbang upang mapataas ang salary grades ng mga doktor at nars maging ng mga psychiatrist.—mula sa panulat ni Hannah Oledan
