Hinikayat ng Regional Agricultural and Fishery Council (RAFC) ang mga kabataan na tumulong at makiisa sa pagbangon ng kanilang rehiyon matapos tamaan ng magnitude 7 na lindol ang Cordillera Administrative Region (CAR) at iba pang lugar sa Luzon.
Ayon kay RAFC Chair Ryan Palunan, malaking papel ang gagampanan ng mga kabataan sa paglatag ng mga polisiya at reporma sa sektor ng agrikultura.
Sinabi pa ni Palunan, kung gagawa ng hakbang ang mga residente sa lugar ay makatutulong para mabilis makabangon ang kanilang rehiyon.
Naniniwala si Palunan, na mababago ang CAR at mapapaunlad ang sektor ng agrikultura sa tulong narin ng mga kabataang pilipino sa gitna ng kinakaharap na pagsubok ng bansa.
