Sa ulat na inilabas ng Department of Health-Bicol Center for Health Development, 50 bagong kaso ng nakahahawang sakit ang naitala mula Hunyo a-22 hanggang a-28, na mas mataas sa 22 kaso noong nakalipas na linggo.
Nakapagtala ang lalawigan ng Sorsogon ng 15 bagong kaso; 11 sa Camarines Sur; 10 sa Catanduanes; 9 sa Albay, at 5 sa Camarines Norte.
Sinabi pa ng ahensya na kung magpapatuloy ang kasalukuyang trend ay posibleng tumaas pa ang mga kaso.
Hinimok naman ng DOH Bicol ang publiko na sumunod sa health protocols at magpaturok na ng booster shot.