Ibat-ibang klase ng armas ng New People’s Army (NPA) ang nahukay ng mga otoridad sa Sitio Gued-Gued, Barangay Palis, Botolan, Zambales.
Ayon kay Lt. Gen. Ernesto Torres Jr., Hepe ng Armed Forces Northern Luzon Command, natagpuan ang mga nakatagong armas ng NPA sa tulong ng mga tauhan ng 3rd Mechanized Battalion sa ilalim ng operational control ng Joint Task Force kaugnay at Zambales Police Office.
Kabilang sa mga nahukay ang isang 30 M1 garand rifle; 28 cartridges caliber 30 mm ball; isang M26 fragmentation hand grenade; dalawang cartridge, 40mm; tatlong M567 40mm; buckshot grenade; sira-sirang 5.56mm M16 rifle upper receiver; mga subersibong dokumento, watawat ng partido komunista ng Pilipinas, mga food and medical supplies, at mga personal na gamit.
Matatandaang noong nakaraang buwan, isang communist arms cache ang natuklasan din ng 3rd Mechanized Battalion sa San Jose, Tarlac City.
Sa ngayon, inaalam ng mga otoridad ang dahilan ng mga rebelde sa pag-tago at pag-iwan ng kanilang mga kagamitan sa nabanggit na lugar.