Dalawang bangkay ng babae ang nakitang lumulutang sa Agno River sa bahagi ng San Carlos City, Pangasinan.
Kinilala ni Pangasinan PIO, Police Maj. Ria Tacderan ang dalawa na sina Abegail Rachelle Peralta, 19- anyos, residente ng Barangay Nagsaing, Bayan ng Calasiao at Analyn Cosme, 18- anyos na residente ng Barangay Libas, San Carlos City.
Hinihintay pa ng mga otoridad ang resulta ng post mortem examination sa mga labi.
Sa ngayon, iniimbestigahan na rin kung nalunod ang mga biktima o kung may foul play sa kanilang pagkamatay.
