Nanawagan ng malinis na tubig at facemask ang mga residente ng Juban sa Sorsogon matapos ang sunud-sunod na pagputok ng Bulkang Bulusan.
Ayon sa mga residente ng Juban, problemado sila ngayon kung saan, kukuha ng malinis na tubig makaraang makontamina dahil sa abong ibinuga ng Bulusan Volcano.
Dahil dito, agad na nagpadala ng mga water tanker ang National Disaster Risk Reduction Management Council (NDRRMC) para mabigyan ng suplay ng tubig ang mga apektadong residente.
Bukod pa dito, namahagi narin ng mga bottled water ang mga pribadong grupo para sa mga naapektuhan ng ashfall sa nabanggit na lugar.
