Inihayag ng Senate Public Relations and Information Bureau, na hinihintay nalang nila ang pagdating ng mga Certificate of Canvass (COCS) at Election Returns (ER) na magsisimula alas-sais ng gabi sa mayo A-Nueve.
Ayon kay Senate Secretary Atty. Myra Villarica, 24/7 ili-livestream ng ahensya ang pagtanggap ng mga COC at ER bilang tugon sa transparency at honesty ng mga balota.
Sa pagtanggap ng mga COC at ER, idodokumento ng senate personnel ang deskripsyon ng ballot box kasama ang serial number nito at itu-turn over din ang susi, lock maging ang serial number ng self-locking seal.
Sinabi ni Villarica na bukas din ang kanilang ahensya para sa coverage ng mga accredited media personnel pero dapat ay mga fully vaccinated ang mga mamamahayag.
Ang mga personnel naman na hindi pa fully vaccinated ay kailangang magpakita ng negatibong resulta ng RT-PCR o antigen test.
