Aminado ang Department of Health na hindi gaanong epektibo ang ginawang house-to-house para mapataas ang COVID-19 vaccination rate sa ilang lugar sa bansa.
Ayon kay Health Undersecretary Myrna Cabotaje, ilan sa mga health workers ang nadismaya dahil marami pa rin ang ayaw magpabakuna kahit na pumupunta sila mismong bahay nito o ‘di kaya ay kaunti lamang ang nais magpabakuna.
Dahil dito, sinabi ni Cabotaje na kailangan pa nilang magsagawa ng ilang estratehiya para mapataas ng pagbabakuna lalo na sa mga lugar na mababa ang vaccination rate.
Pagtutuunan din aniya nila ng pansin ang mga high-yield areas para hindi masayang ang kanilang mga efforts.
Nabatid na magkakaroon ng special vaccination sites sa Bangsamoro region dahil nanatiling mababa ang kanilang vaccine coverage
Sa ngayon, aabot sa 200,000 na indibidwal ang average ng nababakunahan sa bansa kada araw.
