Humataw si Partido Federal ng Pilipinas (PFP) mayoralty bet Atty. Alex Lopez sa pre-election survey sa pagka-alkalde sa Maynila ng Far Eastern Research.
Si Lopez, opisyal na kandidato ng BBM-Sara tandem, ay nakakuha ng 20,064 o 65.63% ng kabuuang bilang ng mga boto habang pumangalawa si Honey Lacuna na may 18.83% na sinundan nina Amado Bagatsing (15.33%), Elmer Jamias (0.11%) at Cristy Lim (0.11%).
Ang naturang survey ay ginawa mula Abril 7-14, 2022 at nilahukan ng may 30,571 respondents.
Isa pang hiwalay na survey ang ginawa ng Original Matang Manila for Charity Media (OMMCM) Est 2019, nitong April 9-19, 2022 na mayroon namang 20,000 total respondents kung saan nanguna si Atty. Lopez na nakakuha ng 56%.
Malayong pangalawa si Lacuna, 32%, habang nakabuntot sina Amado Bagatsing, 7%; Cristy Lim, 4%; at Elmer Jamias, 1%.
Kung matatandaan, maging sa naunang survey ng OMMCM kamakailan ay nakakuha rin si Lopez ng 58% mula sa kabuuang 1,000 na bilang ng mga respondents, 29% si Lacuna; at undecided o hindi pa nakapagpasya ang 13% sa mga ito.
Isang volunteers group ang OMMCM na nakabase sa Maynila.
Maging sa face-to-face survey ng mga field reporters ng pahayagang Police Files Tonite (PFT) ay humataw si Atty. Lopez na may 37 boto, pumapangalawa si Lacuna (29), sumunod si ex-Cong. Bagatsing (19), at labing lima (15) ang undecided.
Wala namang pumabor kina retired General Jamias at Christy Lim, anak ni dating Mayor Fred Lim.
Nabatid na isinagawa ang mga nasabing surveys upang matukoy ang pulso ng masa sa lungsod ng Maynila.
Hindi mapagkakaila sa mga resulta ng survey na si Atty. Lopez ang mas gusto ng mga Manileños at tila nagpapahiwatig ito na nagsusumamo ang taumbayan upang magkaroon ng bagong pinuno ng lungsod na gagabay tungo sa makataong kaunlaran.
Ang mga matataas na marka na nakuha sa mga survey ni Atty. Alex ay maaaring resulta ng patuloy na paglaganap ng kanyang katanyagan na dala rin ng mga isinusulong nitong adhikain para sa mga residente.
Mabilis na tinutugunan ni Atty. Alex ang mga hinaing ng mga maralitang mamamayan kung saan pinangunahan nito ang pagsasampa ng petisyon para sa agarang pagpapalabas ng food packs at social amelioration ng mga senior citizens.
Mas nakilala ng mga tao si Atty. Alex dahil sa kanyang patuloy na pagbaba sa mga komunidad na hindi kailanman pinuntahan ng kandidtato ng kasalukuyang administrasyon ng lungsod.
Maaalalang umangat din nang husto si Atty. Lopez sa mga ginanap na forum ng De La Salle University, Federation of Filipino-Chambers of Commerce & Commerce & Industry, Inc (FFCCCII) at ng National Press Club of the Philippines (NPC).
Mahalaga ang mga surveys at debate upang matantiya ang posibleng resulta ng botohan sa darating na Mayo 9.
Ang kabuuang resulta ng Manila mayoralty candidate poll ay makikita sa official website (fareasternresearch.com) at Facebook page ng Far Eastern Research.