Tinupok ng apoy ang isang parte ng isang commercial building sa Makati City.
Sa ulat ng Bureau of Fire Protection, nag-umpisa ang sunog sa ika-walong palapag ng Development Bank of the Philippines dakong alas-12:11 ng madaling araw.
Umabot sa ikalawang alarma ang sunog at idineklarang fire out bandang alas-2:02 ng madaling araw.
Wala namang napaulat na nasaktan sa insidente dahil wala umanong empleyado ng mga oras na iyon, maliban sa mga guwardya.
Inaalam pa ng awtoridad ang naging sanhi ng sunog.
