Papayagan nang gumamit ng rapid antigen tests ang mga international traveller para makapasok ng bansa.
Ito ang inanunsyo ni Acting Presidential Spokesperson and Communications Secretary Martin Andanar matapos aprubahan ng Inter-Agency Task Force (IATF) ang rekomendasyon sa naganap na pagpupulong kagabi, Abril 6.
Dapat lamang aniya na isinagawa ang rapid antigen test ng mga healthcare professional sa healthcare facility, laboratory, clinic, pharmacy at iba pa mula sa bansang pinanggaligan.
Una nang ni-require ng gobyerno ang mga dayuhan na magpakita ng negatibong RT-PCR test na kinuha sa loob ng 48 oras bago ang kanilang flight papuntang Pilipinas, bukod sa iba pang mga kinakailangan. —sa panulat ni Airiam Sancho
