Muling nanguna sa Pulse Asia Survey na isinagawa nitong March 17 hanggang 21, si dating senator at presidential aspirant Ferdinand ‘Bongbong’ Marcos Jr.
Batay sa survey, nakakuha ng pinakamataas na puntos si Marcos na nasa 60%, bagama’t mababa ng 4% sa huling survey noong February 18 hanggang 23.
Tumaas naman ang nakuhang porsyento ni Vice President Leni Robredo na nasa 24% at pumangalawa kay Marcos.
Sumunod sa kanila si Manila Mayor Isko Moreno na may 8%, Senator Manny Pacquiao na may 6% at Senator Panfilo Lacson na may 2%.
Samantala, nanguna rin si Marcos sa lahat ng lokal sa bansa kabilang ang Metro Manila, Balance Luzon, Visayas at Mindanao.
Nasa 2,400 katao ang lumahok sa survey. —sa panulat ni Abby Malanday
