Dumating na sa Pilipinas ang nasa 1.2 milyong doses ng reformulated Pfizer covid-19 vaccines, para sa mga batang edad 5 hanggang 11.
Ayon sa National Task Force against Covid-19, dakong alas-8 kagabi dumating ang mga bakuna sa Ninoy Aquino International Airport Terminal 3.
Dagdag ito sa naunang dumating nitong Biyernes na nasa 1,147,000 doses.
Hanggang nitong March 24, nasa 72.81% na ng target na populasyon sa Pilipinas ang nabakunahan na.
Habang 736,143 kabataan ang fully vaccinated at 1.8 milyon ang nakatanggap ng unang dose. —sa panulat ni Abby Malanday
