Aabot sa 300 banana farmers sa lokal ng Santo Tomas sa Davao Del Norte ang nakatanggap ng nasa 20,000 Fusarium Wilt-Tolerant Banana Tissue Seedlings.
Galing ito sa lokal na pamahalaan ng Santo Tomas bilang panlaban sa sakit na Fusarium Wilt na nakaapekto sa mga sagingan sa nasabing bayan.
Ayon kay Municipal Agriculturist Office (MAGRO) Head Engr. Elmer Degorio, layon ng pamamahagi na mapataas ang produksyon ng dekalidad na saging para sa export at lokal na merkado.
Habang layon din nitong manumbalik ang sigla ng mga sakahan na naapektuhan ng malawakang Fusarium Wilt Infection. —sa panulat ni Abby Malanday