Tiniyak ng Overseas Workers Welfare Administration (OWWA) na uunahin ang mga manggagawang Pilipino na nawalan ng trabaho sa Ukraine sa muling pag-aplay sa trabaho kapag naging normal na ang sitwasyon ng seguridad sa naturang bansa.
Ito ay tiniyak ni OWWA Administrator Hans Leo Cacdac na gitna ng ulat na karamihan sa Overseas Filipino Workers ay hindi aalis sa Ukraine dahil sa pangamba na hindi na sila makakabalik pa sa kanilang trabaho.
Binigyan diin rin nito na ang pamahalaan ay pangangalagaan ang kanilang mga pangangailangan sa oras na pumayag silang bumalik ng bansa.
Samantala, batid na ang owwa ay nagbibigay ng livelihood programs sa mga pinauuwing mga OFWs. -sa panulat ni Mara Valle
