Himas rehas na ngayon ang isang lalaki na nambiktima at nanggahasa umano sa may 25 menor de edad sa Quezon City.
Ayon kay Quezon City Police District o QCPD Director, P/BGen. Remus Medina, modus ng naturang lalaki na silawin ang kaniyang mga biktima sa pamamagitan ng pag-aalok ng trabaho na may malaking sweldo.
Sa sandaling makipagkita na sa kaniya ang mga biktima na pawang mga dalagita, doon na niya pagnanakawan ang mga ito at saka pagsasamantalahan.
Pero depensa ng suspek, hindi niya pinuwersa ang lahat ng kaniyang mga nabiktima na makipagtalik sa kaniya .
Aabot naman sa 50 sim card ang nakuha ng Pulisya mula sa suspek na pawang nagmula mismo sa kaniyang mga biktima.
Dahil diyan, ikinakasa na ng QCPD ang mga kasong rape, robbery at child abuse laban sa naturang suspek. - ulat mula kay Jaymark Dagala (Patrol 9)
