Naglaan ng P31-M na pondo ang Basic Energy Corporation (BEC) para sa pagpapatayo ng 50-megawatt windmill project itatayo sa Mabini, Batangas.
Ito ay matapos aprubahan ng BEC board members ang Wind Resource Assessment (WRA) kung saan, sakop ng nasabing proyekto ang 4,860-hektaryang lupain na matatagpuan sa Mt. Gulugod Baboy na pinakamataas na bahagi sa bayan ng mabini may hanging aabot sa 35.1km/h.
Nakikipag-ugnayan na ang naturang ahensya sa Local Government Unit (LGU) sa nasabing lugar para sa mga kaukulang permiso at lisensya.
Ayon kay Atty. Jinky Bitrics Luistro, dating Municipal Administrator ng Mabini, malaking tulong ang nasabing proyekto dahil magbibigay ito ng hanapbuhay sa mga residente at magpapalakas ng turismo sa lugar.
Sakaling mapirmahan ng Department of Energy (DOE), inaasahan na masisimulan ang operasyon sa taong 2027 o sa lalong madaling panahon. —sa panulat ni Angelica Doctolero
