Naghahanda na ang Medical frontliners para sa posibleng pagtaas ng mga kaso ng COVID-19 bilang resulta ng pagluluwag sa Alert level 1 ng Metro Manila at iba pang lugar.
Batay sa Incubation Period ng COVID-19, sinabi ni Philippine College of Physicians President Maricar Limpin na makikita ng bansa ang epekto ng pagbaba ng nasabing Alert level sa mga kaso pagkatapos ng dalawa hanggang tatlong linggo.
Iginiit din niya na hindi pa nakakapagpahinga ang mga frontliners noong mababa ang kaso ng COVID-19 dahil dumami ang mga Non-COVID patients.
Nababahala naman si Limpin hinggil sa “Self-regulation” na hindi aniya epektibo dahil ang mga tao ay hindi na sumusunod sa mga health protocols, partikular sa physical distancing na napatunayan sa ilalim ng Alert level 2. —sa panulat ni Airiam Sancho
