Simula bukas, Marso a-3, hindi na o-obligahin pang sumailalim sa quarantine ang mga pasahero ng Cebu Pacific na papasok sa Singapore mula sa Pilipinas.
Ayon sa Cebu Pacific, hihingan na lamang ang mga pasahero ng Vaccination card na magpapatunay na sila ay mga fully vaccinated.
Bukod pa dito, kailangan ding magpakita ng mga pasahero ng negative result ng Antigen Rapid Test o PCR Test na ginawa sa loob ng 48 oras bago ang kanilang flight.
Kailangan din na isagawa ang Antigen Rapid Test o PCR swab test sa Testing Center na accredited ng Department of Health (DOH). —sa panulat ni Angelica Doctolero
